ШУА-ийн Түүхийн хүрээлэнгийн харьяанд “Философи, төр эрхийн тасаг” нэртэйгээр 1967 онд байгуулагдаж, 1969 онд “Философи, төр эрхийн салбар”, 1981 онд “Философийн хүрээлэн”, 1991 онд “Философи, социологийн хүрээлэн”, 2010 онд “Философи, социологи, эрх зүйн хүрээлэн”, 2015 онд “Философи, социологийн хүрээлэн” гэсэн нэртэйгээр бүтэц зохион байгуулалт, чиг үүргийн хувьд шинэчлэгдэн хөгжиж иржээ.
1971–1981 онд философи, социологи, эрх зүйн талаар капиталист бус хөгжлийн түүхэн туршлагыг судалсан үндсэн чиглэлтэйгээр ажиллаж, Монголын нийгмийн хөгжлийн хууль зүй, сэтгэлгээний онцлог, материализм ба диалектикийн асуудлыг онолын түвшинд судалсан үр дүнтэй ажлууд хийжээ.
1981 оноос социалист нийгмийн философийн үндэс, соёлын хөгжил, үнэт зүйл, нийгмийн ухамсрын хэлбэрүүдийг судлах ажлууд хийгдэж, 1990 оноос хойш ардчилал, зах зээлийн нийгэмд шилжих үеийн сэтгэлгээний өөрчлөлт, философийн боловсрол, социологийн судалгааны шинэ чиглэлүүдийг хөгжүүлж ирсэн билээ.