БОДЛОГО СУДЛАЛ, УЛС ТӨРИЙН ЭДИЙН ЗАСГИЙН УХААНЫ САЛБАР
ШУА-ийн Тэргүүлэгчдийн 2021 оны 7 дугаар сарын 5-ны өдрийн хурлын 09 тоот тогтоолын дагуу Философийн хүрээлэнд Бодлого судлал, улс төрийн эдийн засгийн ухааны салбар байгуулах болсон бөгөөд тус салбар 2022 оны 1 дүгээр сараас үйл ажиллагаагаа явуулж эхэлсэн юм.
Анх Философийн хүрээлэнгийн захирлын 2018 оны 3 дугаар сарын 20-ны өдрийн А/11 тоот тушаалаар тус хүрээлэнгийн Философийн салбарын дотор Улс төрийн эдийн засгийн ухааны тасгийг байгуулж, даргаар нь Б.Батхишигийг томилон ажиллуулсан бөгөөд 2022 оны 1 дүгээр сард Бодлого судлал, улс төрийн эдийн засгийн ухааны салбар байгуулагдахад тус тасаг түүний бүрэлдэхүүнд оржээ.
Салбарын эрхлэгч: Академич Б.Батхишиг
Эрдэм шинжилгээний ажилтан:
- Доктор (Sc.D), профессор, Боловсрол, соёл, шинжлэх ухааны сайд, УИХ-ын гишүүн асан, Монгол Улсын шинжлэх ухааны гавьяат зүтгэлтэн А.Цанжид
- Соёл судлалын ухааны доктор (Ph.D) Д.Чулуунгэрэл
- Докторант С.Ганхуяг
Тус салбарын судалгааны үндсэн чиглэл:
· Бодлого судлалын онол, арга зүй
· Эдийн засгийн хөгжлийн бодлого
· Улс төр ба нийгмийн бодлого
· Соёл, боловсрол, шинжлэх ухааны бодлого
Судалгааны үр дүн: Тус салбар байгуулагдаад удаагүй ч хэд хэдэн ажил зохион байгуулж, бүтээл туурвил гаргаж эхэллээ. Тухайлбал, 2022 оны 3-4 дүгээр сард шинжлэх ухааны доктор /Sc.D./, профессор А.Цанжид эрдэм шинжилгээний нийт ажилтанд зориулж “Бодлого судлал” сэдвээр онол арга зүйн цуврал 6 лекцийг цахимаар уншив.
Салбарын эрдэмтэд дараах бүтээлүүдийг бичиж хэвлүүлжээ. Үүнд:
- Б.Батхишиг. Монголын эдийн засгийн хөгжлийн асуудлууд. УБ.,2018
- Б.Батхишиг. “Карл “Капитал” зохиол ба Монгол дахь зах зээлийн харилцаа. УБ.,2019
- Б.Батхишиг. Монгол дахь зах зээлийн эдийн засгийн хөгжлийн асуудлууд. УБ.,2020
- Б.Батхишиг. Адам Смитийн онол ба эдийн засгийн философи. УБ., 2021
- Б.Батхишиг. Хуучин ба шинэ эдийн засаг (Д.Рикардогоос өнөөг хүртэл). УБ.,2022
- А.Цанжид. Хөдөөгийн хөгжлийн бодлого: онол, загвар, туршлага, сургамж. УБ.,2020
- А.Цанжид. Уугуул Монгол соёл. УБ.,2022
- А.Цанжид. Бодлого судлал. Хөтлөн. УБ.,2023