Холбооны Бүгд Найрамдах Герман Улсаас Монгол Улсад суугаа Элчин сайд Хэльмут Кулитц Философийн хүрээлэнтэй хамтын ажиллагааны талаар санал солилцож, цаашид хамтарсан семинар, хэлэлцүүлэг хийх талаар ярилцаж тохиров. Энэ үеэр Философийн хүрээлэнгийн захирал Б.Пүрэвсүрэн Германы сонгодог философи нь философийн түүхэнд онцгой байр суурь эзэлдэг болохыг цохон тэмдэглээд, түүний нэгэн сод төлөөлөгч болох И.Кантын мэндэлсний 300 жилийн ойг 11-р сард мэргэжлийн хүрээнд ёслол төгөлдөр тэмдэглэн өнгөрүүлсэн болохыг онцлон илэрхийлэв.
