хамтын ажиллагааны санамж бичиг байгуулав
Монгол Улсын Шинжлэх ухааны академийн Философийн хүрээлэн, Батлан
хамгаалахын эрдэм шинжилгээний хүрээлэнгийн хооронд (i) ардчилсан
нийгэм дэх аюулгүй байдал, батлан хамгаалах асуудал; (ii) Монгол дахь иргэний нийгмийн хөгжил, иргэдийн
оролцоо; (iii) Монголын нийгмийн сэтгэл зүй,
төлөвшил, чиг хандлага; (iv)
Иргэн-цэргийн харилцаа,
иргэний хяналтын асуудал; (v) Цэргийн
социологи, нийгмийн судалгааны онол арга зүй, (vi) cоёл иргэншил, оюун санааны аюулгүй байдлын чиглэлээр хамтран ажиллах Санамж бичгийг 2022
оны 5 дугаар сарын
16-ны өдөр байгуулав.
Санамж бичгийн
зорилго нь хоёр талын алсын хараа, эрхэм
зорилго, стратеги төлөвлөгөөг хэрэгжүүлэх,
улстөр, эрх зүй, социологи, аюулгүй байдал, батлан хамгаалах судлал,
шинжлэх ухаан, технологийн хамтын ажиллагааг хөгжүүлэх, арга туршлага,
мэдээлэл, ур чадвар солилцоход чиглэгдэнэ.
Энэхүү ёслолын арга хэмжээнд ШУА-ийн Философийн хүрээлэнгийн захирал, доктор (Ph.D), профессор Б.
Пүрэвсүрэн, Улстөр, эрх зүйн салбарын эрхлэгч, доктор (Ph.D) О.Хатанболд нар болон Батлан хамгаалах эрдэм шинжилгээний хүрээлэнгийн захирал, доктор (Ph.D), профессор, хурандаа Б.Эрдэнэбат, БХЭШХ-ийн Аюулгүй байдал, батлан хамгаалах судлалын
төвийн дарга, доктор (Ph.D), хурандаа Б.Эрдэнэчимэг, ахлах эрдэм
шинжилгээний ажилтан, доктор (Ph.D), дэд хурандаа Б.Нэргүй зэрэг албаны хүмүүс оролцов.
2022 оны 5 дугаар сарын 16-ны өдөр